პატარა ზომის შინაური ცხოველების/ფრინველების გადაყვანა
support
ბოლო განახლება 2 თვის წინ
კონტეინერის პარამეტრები არ უნდა აღემატებოდეს 55X35X20 სმ-ს. ამასთან კონტეინერი უნდა იყოს სუფთა, გაუჟონვადი და ცხოველისთვის/ფრინველისთვის შეუძლებელი უნდა იყოს კონტეინერიდან გაქცევა; კონტეინერს უნდა ჰქონდეს ჰაერგამტარი სამი მხრიდან; უნდა გააჩნდეს საკმარისი სივრცე იმისთვის, რომ ცხოველს/ფრინველს შეეძლოს ბუნებრივად მოძრაობა; კონტეინერის ძირი დაფარული უნდა იყოს სითხის შემწოვი ქსოვილით;
მგზავრი, რომელსაც მატარებლით გადაჰყავს პატარა ზომის შინაური ცხოველი/ფრინველი, ვალდებულია თან იქონიოს ვეტერინარული მოწმობა, რომელიც მატარებელში ჩასხდომისას უნდა წარუდგინოს მატარებლის გამყოლს (მომსახურების ოპერატორს);
მგზავრი ვალდებულია, შინაური ცხოველის/ფრინველის კონტეინერი განათავსოს ისე, რომ დაბრკოლება არ შეუქმნას სხვა მგზავრების თავისუფლად გადაადგილებას;
მგზავრი თავად არის პასუხისმგებელი იმ პატარა ზომის შინაურ ცხოველზე/ფრინველზე, რომელიც მას გადაჰყავს მატარებლით. ვალდებულია, თვალყური ადევნოს კონტეინერს და მასში მოთავსებულ ცხოველს/ფრინველს, რათა მათ არ შეაწუხონ და საფრთხე არ შეუქმნან სხვა მგზავრებს, არ დააზიანონ ან დააბინძურონ მატარებელი და სხვა მგზავრების ქონება.
თუ პატარა ზომის შინაური ცხოველი/ფრინველი ზიანს მიაყენებს სხვა მგზავრებსა და მატარებლის პერსონალს, დააზიანებს ან/და დააბინძურებს მატარებელსა და სხვა მგზავრების ქონებას, მაშინ ამ ზიანის ანაზღაურება სრულად დაეკისრება მგზავრს, რომელსაც გადაჰყავს აღნიშნული პატარა ზომის შინაური ცხოველი/ფრინველი.