მატარებლით ტექნიკური საშუალებების გადატანა

რკინიგზის მიერ დადგენილი საფასურის გადახდის საფუძველზე ნებადართულია სამგზავრო მატარებლის ერთი ვაგონით მხოლოდ ერთი ველოსიპედის გადაზიდვა დაშლილ (დასაშვებია მხოლოდ წინა ბორბლის მოხსნა) და შეფუთულ მდგომარეობაში, შესაბამის ადგილას განთავსების გზით. 

საპროთეზო ეტლების და სპეციალური საჭიროების მქონე პირთა სხვა ტექნიკური საშუალებების მიღება დასაშვებია მხოლოდ შეფუთულ მდგომარეობაში.

ტექნიკური საშუალებების გადატანის სერვისით სარგებლობის შემთხვევაში მგზავრმა შესაბამისი სერვისის საფასური უნდა გადაიხადოს მატარებლის ბორტზე, ან სს „საქართველოს რკინიგზის“ საბილეთო სალაროებში.